வியாழன், 25 அக்டோபர், 2012

4. ஒரு கணம்

கவிதை - 17


ஒரு கணம்


*     மண் மீது மோதும் மழைத்துளி
       எழுப்புகின்ற மண் வாசம்
       உள் நுழைந்து
       மறைத்துவைத்த எண்ணங்களின்
       நினைவைத் தூண்டி
       சிதறிய கனவுகளின் அழகியலில்
       சுய விரக்தியோடு மூழ்க வைக்கிறது,

*     எத்துணை ஆசைகள்
       மண்பானையில் கசியும் நீராய்
       நழுவியும் மறைந்தும்
       புற அனுபவ முடிச்சுக்கள்
       வேர்த்து நசிந்தாலும்
       கனவுகள் செதுக்கிய காலவெளி
       மனதின் ஈரத்தால் குளிரவே செய்கிறது,

*     தொடரந்து தடம் பதித்தும்
       தடம் அழித்தும் தொடர்ந்து
       மழை நெகிழ்த்தி நகர்த்தும் மண்ணோடு
       வாழ்தல் நகர்ந்துகொண்டேயிருக்கிறது
       குழிந்தும் குவிந்தும் .................


- பகு,
       
        
      

கருத்துகள் இல்லை:

கருத்துரையிடுக